Blog do Museo Provincial do Mar

II Congreso de Xénero, Museos, Arte e Migración from rmplugo

Coma sempre, cando empeza o ano facemos unha chea de propósitos, de soños, que desta volta decidimos compartir entre todos e todas , para que deste xeito, ó facelos públicos, de todos e todas e para todos e todas, teñan máis posibilidades de convertirse en realidade.

Puxemos pois os nosos soños nas vosas mans, e istas coroas de mans foron o resultado de soñar todos xuntos.

Así lle dimos fin as actividades de Nadal no Museo do Mar.

Moitas grazas a Lourdes, Rubén, Charín e a nosa Sariña que sempre está ahí.

Pero sobor de todo moitas grazas a todos e todas vos por axudarnos a facer deste Museo o voso Museo.

Que o 2015 sexa moi feliz e próspero para todos e todas vos, que todos istes soños que colgástedes na nosa árbore se fagan realidade.

E que continuemos a formar unha comunidade cada vez máis numerosa e fructífera.

Xa recuperados da celebración adicámonos a observar as estrelas como facían os navegantes, na procura de Polaris, a Estrela Polar, que está na constelación da Osa Menor, e interesámonos tamén pola historia mitolóxica de cada unha das constelacións do zoodiaco. 

Sabiades que as estrelas que vemos no ceo varían segundo dende onde as estemos mirando e segundo a época do ano? 

Pois nos, fixemos un “buscador de estrelas “ do mes de Xaneiro para escudriñalo ceo na procura de Orión, Pegaso, Cisne, ...