Blog do Museo Provincial do Mar

Data: 1 de xuño de 2013 (sábado)

Lugar: Museo-Fortaleza San Paio de Narla

Horario: 12 horas- 13.30 h.

Idades: 3 a 16 anos

Prazas: 20 prazas CLUBE PEQUEAMIGOS CPI Dr López Suárez

Dinamizador: Modesto Fernández (Profesor de E. Plástica e Visual do CPI Dr. López Suárez)

OBXECTIVOS:

Con este obradoiro pretendemos incentivar a creatividade artística e a liberdade inventiva aplicando procedementos pictóricos na creación dunha nova hortaliza ou froita, á que ademais se lle deberá dar un nome.

Cuns mínimos coñecementos de bioloxía e da arte da pintura idearán novos seres seguindo as pautas do crecemento da natureza vexetal.

Neste proceso traballaranse as nocións da imitación e a imaxinación, e así ser capaz de diferencialas, pero tamén apreciar as posibilidades que ofrecen para completarse no desenvolvemento da creación artística.

 Perséguese buscar unha relación positiva entre mímese e invención como camiños que se complementan para abrir múltiples posibilidades de creación, dándolle relevancia ao proceso aberto e valor á sorpresa.

METODOLOXÍA:

Pódese destacar catro fases:

-Visita da exposición e breve explicación por parte do autor sobre a obra: xénero, procedemento, técnica, intencións, etc.

- Proxección de estruturas xeométricas que rexen formas orgánicas da natureza.

- O alumn@ elixirá un papel cunha mancha, que por algunha razón esperte o seu interese, para a continuación intervila con técnica seca ou húmida e crear un novo vexetal a partir desta.

- Darlle un nome á obra feita, mediante os diversos recursos que nos ofrece a lingua: asociacións, nomes compostos, metáforas, xogos de palabras, etc.

Xerente  da Rede Museística Provincial de Lugo

pza. da Soedade s/n 27001 Lugo

tnos:  982-242112 /  699836883

xerencia@museolugo.org

encarnalago@yahoo.es

Mañá, día 6, as 12 da mañá  dará comezo no Museo Provincial do Mar de San Cibrao o primeiro obradoiro de Arte e Parte: Ó desafío de Voar coas Propias Ás. Este obradoiro encontrase dentro da programación especial para conmemorar o Día Internacional das Persoas con Discapacidade 2011. O obradoiro sera impartido por Adriana Pazos Ottón, Directora da Aula de ideas, e Encarna Lago, Xerente da Rede. O obradoiro repetirase en todos os museos da rede nas seguintes datas:

Compartimos con vós o concepto e a metodoloxía que seguirá este obradoiro:

Se algo caracteriza á arte é a súa capacidade de anular barreiras e fronteiras do tipo que sexan. A creatividade e a sensibilidade teñen carácter universal e converten á arte en vía de comunicación e socialización máis aló de calquera diferenza. Con este obradoiro pretendemos crear un espazo no que se contemple a posibilidade de integrar plenamente a diversidade en todos os seus ámbitos.

Porque a creatividade é unha capacidade inherente a todo individuo. Estas xornadas tamén teñen un carácter reivindicativo. Preténdese concienciar sobre as capacidades e posibilidades creativas das persoas con diversidade funcional.

“Dáseme ben contar o que vexo e escoito. Pinto moi mal cos pinceis, pero pintar con palabras dáseme mellor”. Carmen Soria: escritora, autora do libro “Manifiesto Saltamontes”. Residente no Centro de Atención a Persoas Discapacitadas (CAMF) de Leganés.

Todos expresámonos a diario sen pensar se somos ou non capaces de facelo, pois faremos désta capacidade universal un momento para a distensión e a experimentación propondo diferentes desafíos onde cada individuo poderá achegar a súa propia capacidade creativa nun obradoiro para ver, sentir, escoitar, expresar e compartir.

• Monotipia: Unha experiencia plástica utilizando a técnica da Monotipia: variedade de impresión única; só sae unha boa reprodución de cada lámina. O artista debuxa sobre calquera superficie lisa, utilizando óleo, acuarela, ou tinta. Créase a imaxe pintándoa sinxelamente sobre a superficie da lámina. A continuación aplícase o papel sobre a lámina e a imaxe quedará transferida, fregando o dorso do papel. A técnica dános un resultado de “mancha libre” susceptible de ser interpretada. Cada un dos participantes creará unha impresión plástica.

• Imaxes, palabra e emoción: Visionado dunha presentación de contidos multimedia en relación co tema da diversidade funcional e a capacidade artística. Os vídeos presentados servirán de movilizador de emocións e vehículo dunha dinámica na que pretendemos xérense palabras, verbalizadas e escritas, en relación ás impresións que nos causan as imaxes e o traballo dos compañeiros artistas que realizan a parte plástica.