Blog do Museo Provincial do Mar

Xa esta aqui, coma todos os meses, unha nova edición de Radio Museistica. Neste segundo programa da radio xuvenil da Mariña poderedes atopar o xa habitual radioxornal da Mariña coas novas culturais, deportivas e metereoloxicas. Novos debates entre os nenos sobre o decreto do galego, a nomenclatura do seu pobo e Uxio Novoneyra e as Letras Galegas. Un coloquio moi ameno entre os nenos e Antonio Veiga, Deputado Delegado da Area de Cultura da Deputación de Lugo. Contamos tamen nesta edicion con tres entrevistas. Unha con Alfredo Pardo, director da curtametraxe "O Labirinto Ario"; Beatriz Seren, actriz da mesma curtametraxe; e con Ruth, Iria e Alba, tres rapazas que estudan un Master de Servizos Culturais en Lugo e que estan a deseñar un proxecto moi interesante para os museos da Rede Museistica. Agardamos que vos guste o programa e vemonos dentro dun mes.

Aqui tedes a autorización para poder colgar en internet os resultados audiovisuais dos campamentos de Nadal. Para descargalo so tedes que pinchar no enlace e logo darlle a descargar (Download). Tamén podedes pasar a recollelo no propio museo. ¡Felices Festas!

19 de Decembro: Aprendemos a vivir xuntos.


Este primeiro dia adicaremolo a dar unhas nocions teoricas do que se vai a facer os diferentes dias do campamento para logo comezar cos obradoiros propiamente ditos.


 Obradoiro de Restauración : No que contaremos coa presenza de Alfredo, a persoa que restaura desinteresadamente as maquetas de barcos que se exhiben no museo. Os rapaces coñeceran cales son as pautas, as ferramentas, e os criterios a seguir en todo o proceso de restauración dunha maqueta.

 Os Sons do mar: Obradoiro que persegue a posta en valor da cultura sonora mariñeira. Aprenderan a identificar cales eran e son os sons que se poden ou podian escoitar nun porto mariñeiro. Un exercicio de arqueoloxía sonora que pretende recuperar o patrimonio sonoro da nosa cultura en perigo de extincion neste mundo de cultura visual no que vivimos.

 Tirando do Fio: Xa pola tarde un clásico dentro do programa de actividades da Rede. Un encontro interxeneracional apto para toda a familia no que este ano falaremos dos faros, de naufraxios e dos piratas que pasaron pola mariña. Tamen contaremos cunha interpretación dunha parranda que os participantes adicaran os participantes do Tirando do Fio do resto de museos da Rede.

 Pescador de Soños: Despois de Tirando do fio teremos a oportunidade de pechar as celebracións do 40 aniversario con este espectáculo multidisciplinar que engloba musica, teatro e danza.